Өнгөрсөн жилийн төрийн их баяр наадмын түрүү бөх, Улсын арслан Э.Оюунболд маргааш 100 хүүхэд баярлуулахаар болжээ. Маргааш Олон улсын эх үрсийн баярын өдөр тохино. Эл өдөр тэрбээр ГССҮТ-д хэвтэн эмчлүүлж байгаа 100 хүүхдэд бэлэг тараахаар болсон байна. Энэ талаараа “Миний бие ГССҮТ-д хэвтэн эмчлүүлж байгаа хүүхдүүдэд бэлэг өгөхөөр болсон билээ. Энэ санааг гэр бүлийнхээ хүнтэй ярилцаж байгаад гаргасан. Баярын өдрөөр нь эмнэлгийн орноос босох боломжгүй, хөл гар нь боолттой, бусдын эрхэнд байгаа хүүхдүүдийг баярлуулъя гэж бодсоны эцэст маргааш бэлэг өгнө” гэжээ.
О.Сайхан
