УИХ-ын ээлжит бус чуулганы хуралдаанаар Өршөөл үзүүлэх тухай хуулийн төслийг хэлэлцэх үеэр УИХ-ын гишүүн Г.Уянга С.Баяртай холбоотой хэргийг АТГ шалгаж байгаа эсэхийг тодрууллаа. 

Харин АТГ-ын дэд дарга Ц.Нямдорж таны өгсөн баримтад тулгуурлан шалгаж эхэлсэн. Мөн С.Баяр гэдэг хүнийг ч дуудаж уулзсан. Тэгээд эрүүгийн хэрэг үүсгэж шалгах үндэслэл байхгүй гэж үзээд хэрэгсэхгүй болгосон” гэсэн хариулт өглөө. 

Харин УИХ-ын гишүүн Г.Уянга үүнд бухимдаж “Яг л ийм юм болоод байгаа юм. Тэр Ерөнхий сайд байсан хүн. Гэтэл тэр хүн чинь үл хөдлөх хөрөнгөтэй гэдэг нь тогтоогдчихсон. Оюутолгойн хууль бус гэрээ хийж баяжсан хүн. Авлигатай тэмцдэггүй. Харин ч авлигыг өөгшүүлдэг болчихсон гэдгээ та нар баталж байна. 

Та нарын энэ оруулж ирсэн жагсаалт дотор авлигын том асуудал алга. Л.Болд гишүүний хэлдэг шиг хэдхэн зуун сая, хэдэн арван сая төгрөгийн асуудлыг оруулж ирсэн. Гэтэл цаана чинь тэрбум тэрбумаар нь идчихсэн авлигачид байна шүү дээ” гэв. Г.Уянга гишүүн өмнө нь Ерөнхий сайд асан С.Баярыг АНУ-д эхнэрийнхээ болон охиныхоо нэр дээр их хэмжээний үл хөдлөх хөрөнгө худалдан авч, түүнийгээ дамлаж зардаг тухай мэдээллийг Цөмийн хог хаягдалтай тэмцдэг сайн дурын байгууллагын ирүүлсэн мэдээлэлд тулгуурлан цацсан юм. 

Б.Тогтох