Улсын арслан М.Бадарч "О.Хангай хоёулаа ДНК-ийн шинжилгээ өгье. Би угаасаа өгье гээд байгаа, чи түрүүлсэн жил болон харцага болсон жилийнхээ Б савыг ДНК-ийн шинжилгээнд өгчих, шээс сольсон байна уу, үгүй юу гэдэг нь нотлогдоно. Үсний хуйх, хурууны хумсаар шинжилгээ авна. Чамайг харцагуудын халз барилдаанд шинжилгээнээс зугтаасныг бөх сонирхогчид олноороо ярьж чамаас асуусаар ирлээ. Мөн шээс солих гэж байсныг би харсан гээд чи хэлсэн, хэн гэдэг бөх шээсээ солих гэж байсныг яагаад хэлэхгүй байгаан бэ. Ард түмэнд баатар болох гэж попроод яахавдээ" хэмээн өөрийн цахим хуудсаараа жиргэжээ.
М.Бадарчийн хувьд яах аргагүй допингтэй гарсан л гэдэг. Баттай баримтгүй бол Арбитрын шүүх авч хэлэлцэхгүй гэдгийг мэдсээр байж хугацаа хожих л гэж өгсөн хэрэг үү. Эсвэл эргэн тойронд нь үнэхээр ямар ч боловсролгүй, мэдрэмжгүй хүмүүс байдаг хэрэг үү. Үүнээс хойш “Тавын даваанд надад 800 сая төгрөг амласан хүмүүсийн явуулга” ч гэж үзэв. Эцэст нь О.Хангай аварга руу дайрч хань татаж байна. М.Бадарч түрүүлсэн жилдээ үнэхээр гоц байсан зэргээс харвал үүний цаана юу байв гэж хардахад хүргэж байна.
Songolt.mn
