УИХ-ын дарга Г.Занданшатар намын жагсаалтыг тэргүүлж орох санаатай зүтгэж байгаа ч МАН-ын залуу дарга нар “Та аль ч тойрогт очсон ялалт байгуулна” хэмээн хөөргөж байгаа аж. Удирдлагуудын санаа бол УИХ дахь МАН-ын бүлгийн дарга Д.Тогтохсүрэнд намын жагсаалтыг тэргүүлж орох санал тавиад байгаа аж. Харин Г.Занданшатар даргын хувьд тодорхой тойргуудад судалгаа хийлгэж үзээд тойрогт өрсөлдөх нь ихээхэн эрсдэлтэй гэж үзсэн учраас ийнхүү жагсаалт руу тэмүүлж байгаа гэх. МАН-ын дарга нар тойрогт өрсөлдөх учраас нас намбаа бодсон ч албан тушаал, эрэмбээ бодсон ч Д.Тогтохсүрэн, Г.Занданшатар хоёрын аль нэг нь жагсаалтыг тэргүүлэхээс өөр аргагүй. Чухам МАН-ын дарга нарын таалалд нийцэх болон хэнийг нь жагсаалт руу оруулж, хэнийг нь тойрогт явуулбал хэтийн явдалд хэрэгтэйг тунгааж байгаа биз ээ гэх мэдээлэл байгаа ч баттай эх сурвалжийн хэлж байгаагаар бол Г.Занданшатарыг болж өгвөл унагаах зорилгоор тойрог руу цөлж, Д.Тогтохсүрэнгээр жагсаалт тэргүүлүүлэхээр тохирчихсон юм билээ. Тэгэхээр Г.Занданшатар МАН-ын залуу дарга нарын ирээдүйд ямар нэгэн байдлаар саад болно гэж үзэснийх байх.
Songolt.mn
