УИХ-ын гишүүн Б.Дэлгэрсайханы “Болд төмөр-Ерөө”-гөөс төмрийн хүдэр зөөдөг галт тэрэг болон чингэлгүүд хятадад хураагдсан гэх албан бус мэдээлэл бий. Чухам үнэн эсэхийг мэдэхгүй ч баримт олдож таарна. Ямартай ч түүнийг хятадуудад ихээхэн өртэй учраас төмрийн хүдэр ачиж очсон галт тэргийг чингэлэгтэй нь барьцаалж авсан гэх яриа өдрөөс өдөрт мартагдахгүй өрнөж байна. Энэхүү мэдээллийн шилийг даран, Б.Дэлгэрсайханы ил далд хамаарал бүхий Дорноговь аймагт байдаг объект болон уул уурхайн чиглэлийн эзэмшил бүхий лицензийг сурвалжилж эхэлжээ. Дорноговьчуудын өгч байгаа мэдээллээс шүүрдэхэд тус аймгийн Айраг, Мандах, Хатанбулаг, Хөвсгөл гэх мэт сумдад байгаа нүүрс, жонш болон бусад элементийн ордны ард Б.Дэлгэрсайхан байгаа үгүй эсэхийг баталгаажуулна гэдгийг хэллээ. Түүний хамааралтай байж болзошгүй уул уурхайн чиглэлийн газруудыг бол ил болгочих байх. Өөрөөр хэлбэл түүнийг байгаа үгүй эсэхийг нь тогтоочихно. Харин хятадуудад хураагдсан гэх галт тэрэг чингэлгүүд ямар учиртайг тодруулах нь зүйн хэрэг байх. Яагаад гэхээр энэ нь ганцхан Б.Дэлгэрсайхан гэх хүний эрх ашиг биш, байнгын түнш Монгол, Хятад хоёр орны харилцаанд нөлөөтэй зүйл юм.

songolt.mn