Монголын авто замчдын холбоо, Замчин залуучуудын холбооноос "Бродюрын мафи"-ийн талаар өнөөдөр мэдээлэл хийлээ.

Урд хөршөөс бродюр оруулж ирдэг компанийн захирал н.Даваацэрэн: Бид урдаас 2000 гаруй хашлага оруулж ирлээ. Нэг кг тутамд 0.58 юаниар буюу нэг бродюрыг 36 мянган төгрөгөөр авч байна. Чулуун бродюрын татвар нь гаалийн татварт 20 хувь, НӨАТ-т 10 хувь буюу нийт 30 хувийг төлдөг. Тэгэхээр нэг ширхэг бродюрт 20.900 төгрөгийг татвар нэмэгддэг. Тэгээд Зам-Үүдээс УБ хүртэлх тээвэр нэг автомашин 5 сая төгрөг, тэгэхээр нэг бродюр 25 мянгаар ирж байгаа. Бидэнд вагон олддоггүй, цаг хугацаатай ажил учраас хурдан авч ирэхээ боддог. Тэгэхээр хотод ирэх хүртэлх зардал 83 мянган төгрөгөөр орж ирж, буулгаж, ачих ажлын зардал гарсаар 100 гаруй мянган төгрөг болдог. Замын бродюрыг солих нь буруу, зөв хэмээн ард иргэд шүүмжилсээр байдаг. Олон жилийн настай боржин чулуун бродюр хийж, ойрын 20-30 жилдээ бүр цаашлаад 50 жилийн хугацаанд дахиж солихгүй болгоё гэхээр үнэтэй бродюр авлаа "Бродюрны мафи" гээд мөн л шүүмжлээд байх юм. Монгол Улсын гааль дээр бүх мэдээлэл нь бий. Бродюрыг компани бүр харилцан адилгүй үнээр оруулж ирж байгааг гэв. Дэлхий дээр хамгийн урт удаан насжилтаараа алдартай боржин хашлагыг хөгжингүй улс орнуудад түгээмэл ашигладаг гэлээ.