Тогтвортой хөгжлийг цогцлоохыг зорьж буй дэлхий дахины зорилтын хүрээнд хөгжлөөс хэнийг ч орхигдуулахгүй, хөгжилд оруулж буй хувь нэмрийг тэгш, шударгаар үнэлэх, хүйсийн тэнцвэртэй төлөөллийг бүхий л түвшинд хангах, замаар хүмүүнлэг, энэрэнгүй, хүндээ ээлтэй нийгмийг бий болгоно.
Засгийн газрын хэрэг эрхлэх газар нь олон улсад түгээмэл ашигладаг удирдлагын хосолмол аргыг хэрэгжүүлж хүйсийн харьцааг тэнцвэртэйгээр томилсон нь сайн туршлага болсныг онцлон тэмдэглэхийн сацуу баг хамт олонд ажлын өндөр амжилт хүсье.
Монгол Улсын жендэрийн эрх тэгш байдлыг хангах тухай хуулиар төрийн албаны удирдах, шийдвэр гаргах түвшинд хүйсийн төлөөллийг хангах тусгайлсан зохицуулалттай бөгөөд хэрхэн хангаж буй талаарх тайлан мэдээг Хороо нь жил бүр үндэсний хэмжээнд тайлагнаж ажиллаж байна.
2023 оны байдлаар хураангуйлан танилцуулбал, Засгийн газрын гишүүд, аймаг, нийслэл, дүүргийн засаг дарга, аймаг, нийслэлийн засаг даргын орлогч, ИТХ-ын хурлын дарга нарын томилгоонд хуульд заасан квот хангагдаагүй буюу эмэгтэйчүүдийн эзлэх хувь хамгийн багадаа 15 хувьд хүрээгүй байна. Харин яамдын ТНБД, агентлагийн дарга, сум, хороодын засаг дарга, дүүргийн засаг даргын орлогч хуульд заасан квот хангагдсан байна.
