Өчигдөр БЗД-ийн нутаг ХХААЯ-ны урд замд "Эрдэм транс" ХХК-ний Х.Аеро Сити-540 маркийн автобусны жолооч Н нь явган зорчигч 61 настай эмэгтэй С-ийг, мөн СХД-ийн нутаг Баянхошууны зам, Жанцангийн уулзварт "Эрдэм транс" ХХК-ний Х.Аеро Сити-540 маркийн автобусны жолооч П нь явган зорчигч 58 настай эмэгтэй А-г мөргөж гэмтээсэн байна.
Энэ мэт "Эрдэм транс" компанийн автобуснууд зөрчил, осол гаргах нь энгийн үзэгдэл мэт боллоо. Он гарсанаас хойш уг компанийн автобустай холбоотой хэрэг маргаан нэлээн нэмэгдсэн талаар Замын цагдаагийн эх сурвалж мэдээллээ.
Түүнчлэн, өчигдөр СХД-ийн нутаг Товчооны замд Киа Пронтер маркын авто машины жолооч М нь гэрлийн шон мөргөж зорчигч 3 хүн гэмтсэн байна.
Д.Ундрах /24tsag.mn/
