.jpeg)
Агаарын чанарын албанаас Улаанбаатар хотын агаарын чанарын өнгөрсөн долоо хоногийн мэдээг /2022 оны 12 дугаар сарын 26-наас 2023 оны нэгдүгээр сарын 1-ний өдөр/ танилцууллаа.
Улаанбаатар хотын агаарт түгээмэл бохирдуулах бодис хүхэрлэг хий /SO2/, азотын давхар исэл /NO2/, тоосонцор /PM10, PM2.5/, нүүрстөрөгчийн дутуу исэл /CO/, озон /O3/-ы агууламжийг тодорхойлсон байна.
Өнгөрсөн 7 хоногийн агаарын чанарын хяналт шинжилгээний дүнгээр Улаанбаатар хотын агаарын чанар 13-р хороолол, Баруун 4-н зам, Амгалан, Цахилгаан станц, Мишээл экспо, Зайсан, Ургах наран хороолол орчим “Бага бохирдолтой” байна. Харин 100-н айл, Толгойт, Нисэх, Зурагт, 5-н буудал орчим “Бохирдолтой”, 1-р хороолол орчим “Их бохирдолтой”, Налайх, Шархад, Хайлааст, Баянхошуу орчим “Маш их бохирдолтой” түвшинд хүрсэн байна.
