Их соён гэгээрүүлэгч Д.Данзанравжаагаас улбаатай Монголын зохиолчдын эх гал голомтоос төрөн гарсан Дорноговь аймгийн Монголын Зохиолчдын “ХУРМАСТ ТЭНГЭР” төвийн түүхт 70 жилийн ойн хүрээнд “Түмэнд түгсэн дуун цадиг” яруу найрагчдын уран бүтээлийн дуун цэнгүүн зохион байгуулагдлаа. Тоглолтод Ноён хутагт Д.Данзанравжаа, Төрийн соёрхолт, Ардын уран зохиолч Б.Догмид, Төрийн шагналт зохиолч, яруу найрагч Ш.Гүрбазар, Богино өгүүллэгийн мастер, нэрт зохиолч Ж.Лхагва, МУСГЗ яруу найрагч Л.Одончимэд, МУСГЗ, "Болор цом"-ын эзэн, яруу найрагч А.Эрдэнэ-Очир, МУСГЗ, "Болор цом"-ын эзэн, яруу найрагч Г.Мөнхцэцэг, МУСГЗ яруу найрагч Л.Эрдэнэбат зэрэг 25 уран бүтээлчийн шүлгээр бүтсэн шилдэг 25 дуу эгшиглэлээ.
