“Шинэ хоршоо” хөдөлгөөнийг орон даяар өрнүүлэхийн тулд хөдөөд, малчдад ойлгомжтой, цэгцтэй мэдээлэл хүргэх шаардлагатай байгаа юм. Тэгвэл энэ долоо хоногийн лхагва гарагийн Засгийн газрын хуралдаанаар хөтөлбөр баталж, 1400 орчим төрийн албан хаагчдыг орон нутагт илгээж ажиллуулахаар болжээ. Тэд “Шинэ хоршоо” хөдөлгөөний талаар танилцуулж, малчид хэрхэн хоршоо байгуулах, хоршооны төсөл хэрхэн бичих, төслөө арилжааны банкуудад танилцуулж хөрөнгө оруулалтын зээлд хамрагдах талаар малчин өрх бүрт хүрч заавар зөвлөмж, сургалтыг нэг сарын хугацаатай явуулах юм байна.
Үнэн хэрэгтээ сонгуулийн кампанит ажил өрнөж байгаа энэ үед гэнэт санаж сэрээд “Шинэ хоршоо” хөдөлгөөн өрнүүлж, хууль батлуулаад хөдөө орон нутагт 1400 төрийн албан хаагч ажиллуулна гэдэг ойлгомжтой сонгууль байж таарна. Магадгүй энэ 1400 төрийн алба хаагч нь Говь-Алтай, Увс, Завхан, Ховд аймгуудад ажиллаж таарна. Тэд “Шинэ хоршоо” нэрээр МАН-ын генсекийн сонгуулийн ажилд зүтгэж таарна.
