Сонгууль дөхөж эрх баригч намынхан хот хөдөөгүй ааг бяр нь амтагдаж буй бололтой. Улсын нийслэл, Шаргал ордонд МАН-ын дарга нар хэвлэл мэдээллийг мөнгөөр худалдаж авчихаад, хий хоосон тоо баримтаар ард түмнийг хуурч, өөдөөс өрвөлзсөн бүхнийг шоронгоор айлгаж байхад хөдөөд МАН-ын төлөөлөгч хүн хутгалж танхайрч байна.
Тодотговол, 2024 оны дөрөвдүгээр сарын 23-ны үдэш Ханбогд сумын ИТХ-ын төлөөлөгч МАН-ын гишүүн С.Бат-Эрдэнэ гэгч этгээд сумынхаа АН-ын дарга Ц-г хутгалж танхайрсан байна. Тус сумын ИТХ хуралдах гэж төлөөлөгч нар нь цуглараад байгааг мэдээллээ. Өмнөговь аймгийн Ханбогд суманд МАН засагладаг юм байна. Уг засаглал, бүлэглэлийнхэн хятадуудад газар зарсан хэргээр шалгагдаж байсныг мартаагүй байх.
