Сэтгүүлч Н.Өнөрцэцэгийг төрийн нууцад хамаарах баримтыг хадгалж байсан гэх үндэслэлээр баривчлан шалгаж байгаад сулласан билээ. Харин энэ талаар нийтлэлч Баабар ийнхүү цахим орчинд жиргэсэн байна.

"Н.Өнөрцэцэг төрийн нууцад хамаарах баримтыг хадгалж байсан Өнөрцэцэгт Монголын бусад иргэний нэгэн адил төрийн нууц хадгалах үүрэг байхгүй. Нууц хадгалах үүрэгтэй хүмүүсийн жагсаалт хуулинд бий. Үүнд бусад иргэн хамааралгүй. Хэрэв нууц болон нууц биш баримтыг Өнөрцэцэг хулгайлсан сүрдүүлсэн, булаан дээрэмдсэн бол энэ нь зөвхөн үүнийхээ төлөө хариуцлага хүлээх болохоос төрийн нууц хадгалсан асуудал нь хамаарахгүй. Харин нууцыг түүнд өгсөн, алдсан үүрэг бүхий этгээд энэ асуудлаар хариуцлага хүлээх ёстой. Урьд нийгэмд юу нь нууцыг нь огт мэдэхгүй иргэн болгонд нууц хадгалах үүрэг оноож байв.Хуулийг хүндэтгэн даган биелүүлэх нь харин иргэн болгоны үүрэг" хэмээн жиргэжээ.

Нийтлэлч Б.Баабар бол төрийн өндөр дээд алба хашиж, төрийн хар хайрцагны бодлого барьж явсан хүн. Тэгэхээр сэтгүүлч Н.Өнөрцэцэгт хэн гээч УИХ-ын гишүүн, сайд дарга нь нууц материал дамжуулсан байх вэ гэдэг асуудал байгаа юм байна.