“Орфей” театр таван жилийн ойдоо зориулан өнгөрсөн хугацаанд үзэгчдэд хүргэсэн “Фауст”, “Гэм зэм”, “Опал”, “1984”, “Амьдрахуй” жүжгүүдээ дахин олны хүртээл болгохоор зэхээд байгаа юм. Үүний эхлэл болгож Хятадын зохиолч Үй Хуагийн “Амьдрахуй” туужаас сэдэвлэсэн “Амьдрахуй” постдрамын жүжгээ Тусгаар тогтнолын ордны Их танхимд толилуулж буй.
Тэгвэл эл уран бүтэээлийн хаалтын тоглолтууд эхэллээ.
Тодруулбал, “Амьдрахуй” жүжгийг ирэх дөрөвдүгээр сарын 3-ныг хүртэл дөрөвхөн удаа тоглоод хаах юм.
Ташрамд дурдахад, “Амьдрахуй” постдрамын жүжиг нь өнгөрсөн онд нийт 15 мянган үзэгчид хүрч, театрын урлагийн мэргэжлийн судлаач, шүүмжлэгчид болон үзэгчдээс өндөр үнэлгээ хүртсэн ураг бүтээл юм. Энэхүү уран бүтээлийг ОХУ-ын Бүгд найрамдах Тува улсын Кызыл хотын үндэсний их театр олон улсын франчайз эрхээр худалдан аваад буй.
Мөн сонирхуулахад, “Орфей” театрын уран бүтээлчид энэ онд “Амьдрахуй” жүжгээ дэлгэцийн уран бүтээл болгохоор төлөвлөжээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!